بے باک انداز سے بولنے والے ننھے سوشل میڈیا اسٹار احمد شاہ کی نئی ویڈیو نے پاکستانی اداکار کو بھی ویڈیو بنانے پر مجبور کردیا۔
احمد شاہ نے سال نو کی آمد کے موقع پر اپنے بھائیوں کے ساتھ ایک ویڈیو بنائی جس میں سوشل میڈیا اسٹار کے بولنے اور بھائیوں کی معصومانہ حرکتوں نے سب کے دل جیت لیے۔
سوشل میڈیا کے ننھے اسٹار کی ویڈیو انٹرنیٹ پر وائرل ہوئی تو نامور پاکستانی اداکار اور ہدایت کار یاسر نواز نے بھی اپنے بھائی دانش نواز کے ساتھ ویڈیو بنائی جس میں وہ احمد شاہ کی نقل کررہے تھے۔
View this post on Instagram
ویڈیو میں یاسر نواز، دانش نواز سمیت تینوں بھائی احمد شاہ اور اُن کے بھائیوں کے رنگ جیسے کپڑے پہنے ہوئے تھے اور اُن کے انداز و حرکات بھی بالکل ایک جیسی ہی تھیں۔
دوسری جانب بھارتی گلوکارہ رچا چڈھا نے بھی احمد شاہ کی ویڈیو کو پیارا قرار دیتے ہوئے لکھا کہ ’بائیں ہاتھ والے لڑکے کے ساتھ ایک ناخوشگوار واقعہ پیش آیا‘۔
Cutest! The dilemma of the boy on the left 😂❤️ https://t.co/YGtxLLSBH4
— TheRichaChadha (@RichaChadha) January 3, 2021
واضح رہے کہ ’میرا بستہ واپس کرو‘ اور ’پیچھے دیکھو‘ جیسی ویڈیوز سے سوشل میڈیا پر اسٹار بننے والے احمد شاہ نے بہت کم عمری میں شہرت کی بلندیوں کو چھوا۔ اب وہ باقاعدہ ایک شخصیت بن چکے ہیں جنہیں لوگ بطور مہمان خصوصی مدعو کرتے ہیں۔
