پاکستانی ڈرامہ انڈسٹری کی معروف اداکارہ یاسرہ رضوی نے شوہر عبدالہادی سے علیحدگی کی خبروں پر خاموشی توڑ دی۔
اداکارہ یاسر رضوی نے فوٹو اور ویڈیو شیئرنگ ایپ انسٹاگرام پر شوہر کے ساتھ تصویر شیئر کرتے ہوئے لکھا کہ ’یہ تصویر تین سال قبل کی ہے لیکن سوال یہ ہے کہ کیا ہم اب بھی ایک ساتھ ہیں؟‘
انہوں نے لکھا کہ ’مجھے حیرت ہے کہ کیا سوشل میڈیا آنے سے پہلے بھی لوگ اسی طرح دوسروں کی ذاتی زندگی کے حوالے سے اتنی آسانی سے قیاس آرائیاں کرتے تھے۔‘
View this post on Instagram
یاسرہ رضوی نے کہا کہ ’میرے والدین کی ایک دوسرے کے ساتھ بہت زیادہ تصاویر نہیں ہیں لیکن وہ تقریباً 50 سال سے رشتہ ازدواج میں منسلک ہیں اور ساتھ ہیں۔‘
یاسرہ نے یہ واضح نہیں کیا کہ وہ کون لوگ ہیں جو ان کی طلاق یا علیحدگی سے متعلق چہ مگوئیاں کررہے ہیں۔
View this post on Instagram
یاسرہ کی پوسٹ پر صارفین کی بڑی تعداد نے اپنے تبصرے پیش کیے اور جوڑے کے لیے نیک خواہشات کا اظہار کیا۔
واضح رہے کہ اداکارہ یاسرہ رضوی جنوری 2016 میں رشتہ ازدواج میں منسلک ہوئیں، عبد الہادی پاکستانی اداکارہ جنان حسین کے بھائی اور ڈرامہ پروڈیوسر بھی ہیں۔
View this post on Instagram
یاد رہے کہ اداکارہ یاسرہ رضوی نے حال ہی میں اے آر وائی ڈیجیٹل کے ڈرامے ’ڈنک‘ میں مرکزی کردار ادا کیا تھا، ڈرامے کی دیگر کاسٹ میں نعمان اعجاز، بلال عباس، ثنا جاوید، ازیکا ڈینیئل ودیگر شامل تھے۔