واشنگٹن : ایرانی نژاد امریکی رکن کانگریس یاسمین انصاری نے تہران کو خالی کرنے کا صدر ٹرمپ کا مطالبہ خوفناک قرار دے دیا۔
تفصیلات کے مطابق ایرانی نژاد امریکی رکن کانگریس یاسمین انصاری نے سماجی رابطے کی ویب سائٹ ایکس پر لکھا ‘امریکی صدر نے بدتمیزی کی، تہران تقریباً دس ملین آبادی والا ایک بڑا شہرہے۔ ایرانی عوام آزادی کے مستحق ہیں لیکن ٹرمپ کا معصوم شہریوں کے قتل، بڑے پیمانے پرہلاکتوں کے واقعات یا پھرنہ ختم ہونے والی جنگ پر شہر چھوڑنے کے حکم کا کوئی جواز ہی نہیں بنتا۔
Both of my parents fled Iran so this is personal. Trump’s words are callous and horrifying.
Tehran is a massive city of nearly 10 million. Iranian people deserve freedom but Trump’s threat of murdering innocent civilians, a mass casualty event, or another endless war is not the… pic.twitter.com/lQLBBYNaaR
— Congresswoman Yassamin Ansari (@RepYassAnsari) June 16, 2025
یاد رہے امریکی صدر ڈونلڈ ٹرمپ نے ایرانی شہریوں کو فوری تہران خالی کرنے کا انتباہ کرتے ہوئے کہا تھا کہ ایران کو ڈیل پر دستخط کر دینے چاہئیں، انسانی جانوں کا ضیاع شرمناک ہے، سب تہران کو فوری خالی کردیں، ایران کے پاس کسی صورت ایٹمی ہتھیار نہیں ہونا چاہیئے۔
امریکی صدر کی وارننگ کے بعد شاہراہوں پر بدترین ٹریفک جام ہے، لوگ تہران سے نکل رہے ہیں اور مغربی تہران میں کرج چالوس روڈ پر گاڑیوں کی قطاریں لگی ہیں۔
خیال رہے تہران کو خالی کرنے کی وارننگ کے بعد ایران کا دارالحکومت دھماکوں سے لرز اٹھا تھا، اسرائیل نے شہری آبادی پر حملے کیے۔ سرکاری ٹی وی اوراسپتال کو نشانہ بنایا۔
اسرائیلی فوج کا کہنا ہے تازہ حملوں میں ایران کے زمین سے زمین اور زمین سے فضا میں مارکرنےوالے میزائل سسٹمزاورذخائر کو نشانہ بنایا گیا، لانچنگ انفرااسٹرکچراور بغیر پائلٹ والے یواے وی کی اسٹوریج سائٹس پر بھی حملے کیے جبکہ اصفہان میں چیک پوسٹ پر حملے میں تین شہری شہید ہوگئے۔
ایرانی وزارت خارجہ نے سرکاری ٹی وی اسپتال اور آبادی پر اسرائیل کی بمباری کو بدحواسی اور اخلاقی دیوالیہ پن قرار دیا ہے۔
