The news is by your side.

Advertisement

پاکستان میں کورونا ویکسینیشن کا یومیہ ریکارڈ ٹوٹ گیا

اسلام آباد : پاکستان میں کورونا ویکسینیشن کا یومیہ ریکارڈ ٹوٹ گیا، 24گھنٹے میں ریکارڈ 8 لاکھ 67226 افراد کی ویکسی نیشن کی گئی۔

تفصیلات کے مطابق ملک بھر میں کوروناویکسینیشن مہم بھرپور اندازمیں جاری ہے ، ملک میں کورونا ویکسینیشن کا یومیہ ریکارڈ ٹوٹ گیا ، نیشنل کمانڈ آپریشن سینٹر نے سماجی رابطے کی ویب سائٹ پر اپنے پیغام میں کہا ہے کہ 24گھنٹےمیں ریکارڈ8 لاکھ 67226 افراد کی ویکسینیشن کی گئی ، اب تک 2کروڑ87لاکھ 43225 کورونا ویکسین ڈوزلگائی جا چکی ہیں۔

یاد رہے دو روز قبل پاکستان نے ایک دن میں 7لاکھ 78ہزار افراد کو کورونا ویکسین لگا کر ویکسینیشن کا ایک اور ریکارڈ قائم کیا تھا ،اسد عمر کا کہنا تھا کہ ہمارا ہدف ایک دن میں 10لاکھ سے زائد لوگوں کو ویکسین لگانا ہے۔

خیال رہے پاکستان میں کورونا کی لہر خطرناک صورتحال اختیار کرتی جارہی ہے ، ایک دن میں 86 مریض جاں بحق اور 4500 سے زائد کیسز رپورٹ ہوئے ہیں۔

Comments

یہ بھی پڑھیں