اسرائیلی وزیر دفاع یواف گیلنٹ نے فیصلہ کیا ہے کہ وہ امریکا کا دورہ نہیں کر رہے، اُنہوں نے واشنگٹن میں امریکی وزیر دفاع سے ملاقات کرنی تھی۔
بین الاقوامی خبررساں ادارے کی رپورٹ کے مطابق اسرائیلی وزیر دفاع یواف گیلنٹ کو امریکی ہم منصب سے ایران پر ممکنہ اسرائیلی حملے کے بارے میں بات چیت کے لئے روانہ ہونا تھا۔
اسرائیلی وزیر اعظم نیتن یاہو نے امریکی صدر بائیڈن سے بات ہونے تک وزیر دفاع کو جانے سے روک دیا ہے۔
دوسری جانب اسرائیل کے وزیر اعظم نیتن یاہو نے لنبان کی مزاحمتی تنظیم حزب اللہ کے شہد سربراہ حسن نصراللہ کے ممکنہ جانشین ہاشم صفی الدین کو شہید کرنے کا دعویٰ کیا ہے۔
الجزیرہ کی رپورٹ کے مطابق نتین یاہو نے لبنان کے عوام کیلیے جاری خصوصی ویڈیو پیغام میں دعویٰ کیا کہ اسرائیلی فوج نے حسن نصراللہ کے جانشین اور ان کے متبادل کو قتل کر دیا۔
لبنان: اقوام متحدہ کی امن فورس کو بھی اسرائیلی فوج سے خطرات لاحق
نیتن یاہو نے کہا کہ آج حزب اللہ پہلے کے مقابلے میں کمزور ہوگئی ہے، اب لبنانی عوام ایک اہم دوراہے پر کھڑے ہیں۔ انہوں نے کہا کہ یہ عوام کا انتخاب ہے کہ وہ اپنے ملک کو واپس لے سکتے ہیں اور اسے امن اور خوشحالی کی راہ پر گامزن کر سکتے ہیں۔