The news is by your side.

Advertisement

کوئٹہ : ینگ ڈاکٹرزاورپیرامیڈیکس کی ہڑتال، او پی ڈیزمیں دو گھنٹے کام بند

کوئٹہ : ینگ ڈاکٹرز اور پیرامیڈیکس کی اپنے مطالبات کے حق میں احتجاج اور ہڑتال جاری ہے، سرکاری ہسپتالوں کی او پی ڈیز میں دو گھنٹے کی ہڑتال کے باعث مریض رل گئے ہیں۔

تفصیلات کے مطابق کوئٹہ میں ینگ ڈاکٹرز پیرا میڈیکس کے ہمراہ احتجاجی تحریک چلا رہے ہیں ،مطالبات پر عملدرآمد کے سلسلے میں پیشرفت نہ ہونے پر ینگ ڈاکٹرز نے جمعہ سے سرکاری اسپتالوں میں دو گھنٹے کی علامتی ہڑتال کی ہوئی ہے۔

ڈاکٹرز کی جانب سے اوپی ڈیز کو صبح8بجے سے دس بجے تک بند رکھتے ہیں، جس کے باعث مریض اور ان کے تیماردار شدید مشکلات سے دوچار ہیں ساٹ وائس اوور ینگ ڈاکٹرز اور پیرا میڈیکل اسٹاف ایسوسی ایشن کی جانب سے سول ہسپتال کوئٹہ میں احتجاجی کیمپ لگایا گیا ہے۔

ان کا کہنا ہے کہ خالی آسامیوں پر بھرتی اور مختلف مدات میں الاﺅنسز کے حصول اور ہسپتالوں میں سہولیات کی فراہمی تک وہ احتجاج جاری رکھیں گے۔

ینگ ڈاکٹرز وزیراعلیٰ بلوچستان کے علاوہ انتظامیہ سے بات کرنے اور یقین دہانی لینے سے بالکل انکاری ہیں، وزیراعلیٰ بلوچستان کے اسلام آباد میں ہونے کے باعث معاملہ طول پکڑتا جارہا ہے۔

ہڑتال پر موجود ینگ ڈاکٹرز نے انتظامیہ کو دھمکی دی ہے کہ مطالبات پرعملدرآمد نہ ہونے کی صورت میں بتدریج ہڑتال کو سخت کرکے اس کا دائرہ دوسرے شہروں تک پھیلایا جائے گا۔

Print Friendly, PDF & Email

Comments

comments

یہ بھی پڑھیں