فیصل آباد میں تین کمسن ڈاکوؤں ایک دکان کا صفایا کر دیا جب کہ مزاحمت پر دکاندار کو بھی زخمی کر دیا۔
پنجاب کے شہر فیصل آباد میں ملت روڈ پر ڈکیتی کی ایسی واردات ہوئی ہے جس میں تین کم عمر ڈاکوؤں نے دھاوا بول کر نہ صرف ایک دکان لوٹ لی بلکہ مزاحمت کرنے پر پستول کا دستہ مار کر دکاندار کو بھی زخمی کر دیا۔
یہ نوعمر ڈاکو نقدی، موبائل فون اور گھی لوٹ کر موٹر سائیکل پر فرار ہو گئے۔ پولیس نے سی سی ٹی وی فوٹیج حاصل کر کے ملزمان کی تلاش شروع کردی ہے۔
- Advertisement -
اس فوٹیج میں تین کم عمر ڈاکوؤں کو دکان میں گھس کر اسلحہ نکالتے ہوئے دیکھا جا سکتا ہے۔ ان میں ایک ڈاکو کاؤنٹر کی دراز کا صفایا کرتا ہے جب کہ دوسرا ڈاکو گھی کے کارٹن اٹھا کر باہر لے جاتا ہے۔
تھانہ ملت ٹاؤن کی پولیس نے متاثرہ دکاندار کی مدعیت میں مقدمہ درج کر لیا ہے۔
