نوجوان کو سیلفی مہنگی پرگئی

ماسکو: روس میں منچلے نوجوان کو سیلفی کے شوق نے مشکل میں ڈال دیا۔

غیرملکی خبررساں ادارے کی رپورٹ کے مطابق روسی دارالحکومت ماسکو میں نوجوان نے ایڈونچر کے طور پر عمارت کی کھڑکی کی پاس سیلفی لینے کی کوشش کی، لیکن یہ تجربہ اس کے لیے بھیانک ثابت ہوا۔

مذکورہ شہری سیلفی تو نہ لے سکا لیکن پاؤں کی پھسلن کے باعث عمارت کی کھڑی سے لٹک گیا۔ کمرے میں موجود دو خواتین نے ہمت دیکھائی اور ’انٹن کولوز‘ نامی نوجوان کے دونوں ہاتھ پکڑ کر کمرے کے اندر کھینچ لیا۔

رپورٹ میں کہا گیا ہے کہ 150 فٹ بلندی سے گرنے کے باعث مذکورہ نوجوان کی جان بھی جاسکتی تھی۔ پولیس نے کارروائی کرتے ہوئے نوجوان پر 44 پاؤنڈ کا جرمانہ عائد کیا اور اس عمل کو لاک ڈاؤن کی خلاف ورزی بھی قرار دیا۔

انٹن کولوز کو مسلسل 15 منٹ تک مذکورہ خواتین نے تھامے رکھا۔

Comments