پاکستان کے لیجنڈ بلے باز یونس خان کی دلی خواہش پوری ہو گئی۔
افغانستان کی قومی ٹیم کے بیٹنگ کوچ بننے پر یونس خان نے ٹوئٹ میں لکھا کہ افغان بورڈ سے بات چیت2011 سے
جاری تھی افغان ٹیم کے ساتھ کام کرنا دلی خواہش تھی۔
یونس خان نے یواےای کیمپ افغان ٹیم کے ساتھ کام کرنےکا بہترین موقع قرار دیتے ہوئے کہا کہ نیا ٹیلنٹ قریب سے دیکھ اور جانچ سکوں گا۔
سابق کپتان یونس خان کو افغان کرکٹ بورڈ نے مختصر طرز کے معاہدے کے تحت افغانستان کرکٹ ٹیم کا بیٹنگ کوچ مقرر کیا ہے۔
It has been my utmost desire to work with @ACBofficials as a coach & the discussions have been going on since 2011 during my playing days. I now feel it’s the right time & the UAE camp is a perfect opportunity to work with ACB & get to know the upcoming talent more closely. pic.twitter.com/CjA3Zoiv67
— Younus Khan (@YounusK75) April 4, 2022
یونس خان 15 دن تک افغانستان کرکٹ ٹیم کے کیمپ کو جوائن کریں گے جو ابوظبی میں لگایا گیا ہے، کیمپ میں 25 افغانی کھلاڑی شرکت کریں گے۔
یونس خان نے کرکٹ سے 2017 میں ریٹائرمنٹ لی تھی جس کے بعد وہ قومی ٹیم کے چھ ماہ تک بیٹنگ کوچ بھی رہے۔
افغانستان کرکٹ بورڈ کے سی ای او نصیب خان نے کہا کہ یونس خان اور عمر گل کو بین الاقوامی کرکٹ کا وسیع تجربہ ہے، اور دونوں اپنی فیلڈ میں مہارت رکھتے ہیں۔
واضح رہے کہ عمر گل کو گزشتہ روز ہی افغانستان کرکٹ بورڈ نے ٹیم کا بولنگ کوچ منتخب کیا ہے۔ افغانستان کرکٹ بورڈ نے ٹیم کے ہیڈ کوچ کے طور پر سابق انگلش کھلاڑی گراہم تھارپ سے معاہدہ کیا ہے۔
