لیجنڈری بیٹسمین یونس خان نے پی ایس ایل ٹیموں کو ٹاس جیت کر بیٹنگ کرنے کا مشورہ دے دیا۔
ٹی وی پروگرام میں گفتگو کرتے ہوئے یونس خان نے کہا کہ ٹیموں کو ٹاس جیت کر بیٹنگ کرنی چاہیے کیونکہ آگے جاکر ٹیموں کو ٹاس جیت بیٹنگ کرنا ہوگی۔
انہوں نے کہا کہ کھلاڑی کی جنگ اس کے بلے اور بال سے ہونی چاہیے، کیپٹن کو دیکھ رہے ہوتے ہیں کہ یا تو وہ چانس لیتے ہیں یا پھر نظر ہی نہیں آتے۔
یونس خان نے کہا کہ کراچی کنگز کے بولرز بہت اچھی باوَلنگ کررہے تھے لیکن لاہور قلندرز کی بیٹنگ مضبوط ہے فخر زمان کو اپنی کاکردگی کو ہر میچ میں لے کرجانا ہے۔
ان کا کہنا تھا کہ لاہورقلندرز کے پاس ایک بولر شارٹ ہوتا ہے محمد حفیظ سے کم سے کم 4اوورز کرانے چاہئیں، محمد حفیظ ٹی 20میں اچھی باوَلنگ کراتے تھے۔
