لودھراں: سابق وزیراعظم یوسف رضا گیلانی نے مستقبل کا سیاسی منظر نامہ بتادیا۔
تفصیلات کے مطابق لودھراں میں میڈیا سے گفتگو کرتے ہوئے یوسف رضا گیلانی نے عمران خان کو تنقید کا نشانہ بنایا اور کہا عمران خان بات کرنا چاہ رہے ہیں تو غیر مشروط بیٹھیں تاکہ راستہ نکلے، جب عمران خان نے الیکشن کرانے کا ہمارا مطالبہ نہ مانا تھا تو ہم کیسے مانیں؟۔
انہوں نے دعویٰ کیا کہ عمران خان اسمبلیاں توڑنے کا رسک نہیں لیں گے، انہیں معلوم ہے کہ اسمبلیاں توڑ ینگے تو دو صوبوں میں الیکشن ہونگے جبکہ حقیقت یہ ہے کہ جو وزیراعلیٰ ایک ایف آئی آر درج نہیں کرا سکا وہ اسمبلی کیسے توڑے گا۔
پی پی پی رہنما کا کہنا تھا کہ سابق وزیراعظم کا جھوٹ پر مبنی بیانیہ ایکسپوز ہوچکا ہے، عمران خان کی غلط فہمی ہے کہ الیکشن ہوئے تو دو تہائی اکثریت ملےگی۔
انہوں نے کہا کہ پی ٹی آئی نے پیپلزپارٹی اور مسلم لیگ ن کے خلاف میڈیا ٹرائل کیا، جب انکی باری آئی ہے تو کہتے ہیں فوری الیکشن ہو جائیں،ہم نے چھوٹے چھوٹے کیسز میں 10 دس سال قید بھگتی ہے جبکہ ان کے تو بڑے کیسز ہیں اس لیے خوفزدہ ہیں اور فوری الیکشن چاہتےہیں۔
سابق وزیراعظم کا کہنا تھا کہ عمران خان کی غلط فہمی ہے کہ الیکشن ہوئے تو دو تہائی اکثریت ملےگی، ہماری اتحادی جماعت اپنے اپنے علاقوں میں بڑی بااثر ہیں، آئندہ بھی مخلوط حکومت بنے گی۔
