چیئرمین سینیٹ یوسف رضا گیلانی نے کہا ہے کہ پانی پاکستان کی ریڈ لائن ہے پانی روکنے کیلئے بھارت نے کوئی قدم اٹھایا تو اس کو ہم جنگ تصور کریں گے۔
تفصیلات کے مطابق یوسف رضا گیلانی نے ملتان میں پریس کانفرنس کرتے ہوئے نے کہا کہ بھارت نے پاکستان پر حملہ کیا تو ہمارے پاس اور کوئی آپشن نہیں تھا۔
چیئرمین سینیٹ یوسف رضا گیلانی کہتے ہیں بھارت نے ہماری تحمل مزاجی کو کمزوری سمجھا، جب بھارت نے حملہ کیا تو سیلف ڈیفنس کے سوا کوئی چارہ نہیں تھا، پانی ریڈ لائن ہے بھارت نے پانی بند کیا تو ہم اسے جنگ سمجھیں گے۔
بجٹ سے متعلق گفتگو میں انہوں نے کہا کہ ہم حکومت کا حصہ نہیں ہیں لیکن عوام کیلئے بجٹ میں حکومت کے ساتھ تعاون کررہے ہیں اگر عوام کو ریلیف نہیں ملتا تو ہمارا ساتھ دینے کا فائدہ نہیں۔
انہوں نے یہ بھی کہا کہ اپنے ایم این ایز اور ایم پی ایز سے کہہ رہا ہوں بجٹ میں اپنا کردار ادا کریں، عوامی نمائندے عوام کی بات سنیں اور بجٹ میں ان کے لیے آواز اٹھائیں۔
