The news is by your side.

Advertisement

ملک کی معاشی حالت بہتر نہیں ہے، یوسف رضا گیلانی

ملتان: سابق وزیر اعظم یوسف رضا گیلانی نے کہا ہے کہ ملک کی معاشی حالت بہتر نہیں ہے، معاشی حالات تب بہتر ہوں گے جب سیاسی حالات بہتر ہوں گے۔

ان خیالات کا اظہار انہوں نے ملتان میں میڈیا سے گفتگو کرتے ہوئے کیا، یوسف رضا گیلانی نے کہا کہ بینظیر بھٹو نے مشکل حالات میں ملک کو سنبھالا تھا، آج جو لولی لنگڑی جمہوریت ہے وہ بھی بی بی کی وجہ سے ہے۔

سابق وزیر اعظم یوسف رضا گیلانی نے کہا کہ پی پی کی یوتھ نے بہت قربانیاں دی ہیں، 1997 میں میاں صاحب نے ہمارے ملازمین کو نکال دیا، نوکریاں دینا جرم ہے تو ہم یہ جرم کرتے رہیں گے۔

انہوں نے کہا کہ بے شک اسمبلی میں ہار گئے لیکن اپنا حق ادا کردیا، کل ڈبل سے بھی زیادہ ووٹ لیے، بہت لوگ بے نقاب ہوئے۔

یوسف رضا گیلانی نے کہا کہ آصف علی زرداری نے ڈکٹیٹر سے ملک کی جان چھڑائی، معاشی حالات تب بہتر ہوں گے جب سیاسی حالات بہتر ہوں گے۔

یہ پڑھیں: سال2018 میں پیپلزپارٹی کی حکومت ہوگی، یوسف رضا گیلانی

واضح رہے کہ سابق وزیر اعظم کا کہنا تھا کہ 15 دسمبر کو پیپلزپارٹی کے جلسے سے بلاول بھٹو خطاب کریں گے، جلسے سے قبل اہم شخصیات پیپلزپارٹی میں شامل ہورہی ہیں۔

ان کا کہنا تھا کہ شاہد خاقان عباسی اسمبلی تحلیل کرسکتے ہیں لیکن سینیٹ الیکشن سے پہلے وہ ایسا نہیں کریں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں