2018 میں پیپلزپارٹی کی حکومت ہوگی، یوسف رضا گیلانی yousuf raza
The news is by your side.

Advertisement

سال2018 میں پیپلزپارٹی کی حکومت ہوگی، یوسف رضا گیلانی

ملتان: سابق وزیر اعظم اور پیپلزپارٹی کے رہنما یوسف رضا گیلانی نے کہا ہے کہ آئندہ عام انتخابات میں کامیابی کے بعد ملک میں پیپلزپارٹی کی حکومت ہوگی، بلاول بھٹو کے آنے سے آئندہ الیکشن پر مثبت اثر پڑے گا۔

ان خیالات کا اظہار انہوں نے ملتان میں میڈیا سے گفتگو کرتے ہوئے کیا، یوسف رضا گیلانی نے کہا کہ 15 دسمبر کو پیپلزپارٹی کے جلسے سے بلاول بھٹو خطاب کریں گے، جلسے سے قبل اہم شخصیات پیپلزپارٹی میں شامل ہورہی ہیں۔

سابق وزیر اعظم نے کہا کہ آئینی طریقے کے مطابق وزیر اعظم شاہد خاقان عباسی اسمبلی تحلیل کرسکتے ہیں، سینیٹ الیکشن سے پہلے وہ ایسا نہیں کریں گے۔

یوسف رضا گیلانی نے مزید کہا کہ مضبوط جمہوریت کے لیے اسمبلی کو آئینی مدت پوری کرنی چاہئے، کوشش ہوگی وفاق اور پنجاب میں کولیشن حکومت بنائیں۔


یہ پڑھیں: انتخابات 2018ء میں ہی ہونا چاہئیں، یوسف رضا گیلانی


  یوسف رضا گیلانی کا کہنا تھا کہ اداروں میں تصادم ہوتا نظر نہیں آرہا، خواہش ہے اسمبلی اپنی مدت پوری کرے، الیکشن اپنے مقررہ وقت پر ہی ہوں۔

یاد رہے کہ اس سے قبل ایک بیان میں سابق وزیر اعظم نے کہا تھا کہ پیپلزپارٹی نظریاتی پارٹی ہے موقع پرست آتے جاتے رہتے ہیں، پیپلزپارٹی کے نمائندے بھی اپنے حلقے میں جارہے ہیں، پیپلزپارٹی آزادی اظہار رائے پر یقین رکھتی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں