دنیا کے معروف ترین ویڈیو اسٹریمنگ پلیٹ فارم یوٹیوب کی جانب سے صارفین کی مشکل آسان کردی گئی ہے۔ اب مصنوعی ذہانت کے ذریعے صارفین کو سہولت فراہم کی جائے گی۔
غیر ملکی خبر رساں ادارے کی رپورٹ کے مطابق یوٹیوب نے کونٹینٹ بنانے والوں کو جدید اے آئی سہولیات فراہم کرنا شروع کردی ہیں۔
رپورٹ کے مطابق پلیٹ فارم نے یوٹیوب اسٹوڈیو اینی لیٹکس میں ‘انسپیریشن ٹیب’ کا اضافہ کیا ہے جو ویڈیو بنانے والوں کو نئے خیالات کے لیے مصنوعی ذہانت پر مبنی تجاویز دے گا۔
مذکورہ فیچر کے تحت سامنے آنے والے نتائج میں سرچ ٹرینڈز کے اور ‘بریک آؤٹ’ ویڈیو کلپس شامل ہوں گے۔
یوٹیوب انتطامیہ کا کہنا ہے کہ بریک آؤٹ ویڈیوز مماثلت رکھنے والے دیگر چینلز کی ان ویڈیوز کو واضح کریں گی جن کی کارکردگی اچھی رہی ہوگی۔
واضح رہے کہ اس اپ ڈیٹ کا مقصد تخلیق کاروں کو ان کے جیسے چینلز کے متعلق کلی فہم فراہم کرنا ہے کہ ان کے ناظرین میں کیا چیز مقبول ہو رہی ہے۔
بالاآخر، پلیٹ فارم پر ایسا اے آئی فیچر شامل کر دیا گیا ہے جس کو استعمال کرتے ہوئے تخلیق کار سرچ بار میں ایک عنوان درج کریں گے اور یوٹیوب کا مصنوعی ذہانت کا نظام تخلیق کار کے چینل کے ناظرین کی دلچسپی کے مطابق مشورے اور نوٹس فراہم کرے گا۔
