گوجرانوالہ: سوشل میڈیا پر خواتین کی تذلیل کی پرینک ویڈیوز بنانے والے یوٹیوبر کو پولیس نے گرفتار کرلیا۔
اے آر وائی نیوز کے مطابق خواتین کی تذلیل کی مزاحیہ ویڈیو بنانے والے پرینک اسٹار محمد علی کو پولیس نے لاہور سے گرفتار کرکے گوجرانوالہ منتقل کردیا۔
پولیس کے مطابق ملزم شہرت اور فالوورز بڑھانے کے لیے خواتین کو ہراساں کرکے گلی محلوں میں پرینک ویڈیو بناتا تھا۔
This man has been harassing Pakistani women on roads and public places, for not wearing a head scraf. He has been doing it for months and then he posts their videos on internet without their knowledge or consent.
He is doing this to enforce Islam. pic.twitter.com/cOqkPPPIBi— Sadaf Alvi (@TheGrumpyDoctor) June 16, 2021
پولیس کا کہنا ہے کہ ملزم گکھڑ منڈی کا رہائشی ہے جس نے سوشل میڈیاپر اپنا چینل بنارکھا ہے، ملزم مزاحیہ ویڈیوز کے ذریعے شہرت حاصل کرنے کے لیے مختلف عوامی مقامات اور پارکس میں بیٹھی خواتین کو ہراساں کرکے ان کی تذلیل کرتا اور ویڈیو سوشل میڈیا پر اپ لوڈ کردیتا تھا۔
ایس پی صدر عبدالوہاب کی زیر نگرانی تھانہ گکھڑ منڈی پولیس کا فوری ایکشن۔
پرینگ ویڈیوکے نام پر عورتوں کی تذلیل کرنے والا ملزم گرفتار۔مقدمہ درج۔
عوام الناس کی عزت و آبرو کی حفاظت اولین ترجیج ہے۔(سٹی پولیس آفیسر سرفراز احمد فلکی ) pic.twitter.com/DyM0oYvZBi— CPO Gujranwala (@CPOGujranwala) June 17, 2021
ملزم پر خواتین سے غیراخلاقی حرکات ، اسلحہ کے زورپرگالم گلوچ کرنے کے الزام میں مقدمہ درج کرکے قانونی کارروائی شروع کردی گئی ہے۔
سی پی او سرفراز احمد فلکی کے مطابق شہرت کے نام پر خواتین کو ہراساں اور تذلیل کو کسی صورت برداشت نہیں کیا جائے گا۔