بندروں کی سیاحوں سے چیزیں چھین کر بھاگنے کی ویڈیو اکثر سوشل میڈیا پر وائرل ہوتی رہتی ہیں جسے دیکھ کر صارفین بھی حیران رہ جاتے ہیں۔
ایسی ہی ایک ویڈیو سوشل میڈیا پر تیزی سے وائرل ہورہی ہے جس میں معروف امریکی یوٹیوبر لوگن پال کو جنوبی افریقہ کے حالیہ دورے کے دوران بندروں کے گروپ نے لوٹ لیا۔
یوٹیوبر اپنے چینلز کے لیے کسی سین کی شوٹنگ میں مصروف تھے کہ کیپ ٹاؤن کے پارکنگ ایریا میں بندر ان کا بیگ لے کر بھاگ گئے۔
ویڈیو میں ایک بندر کو لوگن پال کے بیگ سے کیمرے سمیت دیگر چیزیں چیک کرتے ہوئے دیکھا جاسکتا ہے۔
لوگن پال جیسے ہی بندر سے بیگ لینے کے لیے جانے لگے تو دوسرا بندر ایک کار سے دوسری کار پر چھلانگ لگاتے ہوئے ان کے پیچھے بھاگا۔
wtf just happened@primehydrate pic.twitter.com/sbZMWXWfuB
— Logan Paul (@LoganPaul) January 30, 2022
ویڈیو میں یوٹیوبر کو اپنے کیمرہ مین سے پوچھتے ہوئے سنا جاسکتا ہے کہ ’اس کے پاس تمہارا کیمرہ ہے۔‘ کیمرہ مین جواب دیتا ہے ہاں کیمرا اسی کے پاس ہے۔
بعدازاں بندر بیگ سے انرجی ڈرنک لے کر بھاگ جاتا ہے اور لوگن پال اپنا بیگ لے کر گاڑی کی طرف چلے جاتے ہیں۔
مذکورہ ویڈیو سوشل میڈیا پر تیزی سے وائرل ہورہی ہے اور اسے لاکھوں ویوز حاصل ہوچکے ہیں، سوشل میڈیا صارفین کی جانب سے ویڈیو پر دلچسپ تبصرے بھی کیے جارہے ہیں۔