تعلیم کیوں ضروی ہے بعض دفعہ لوگوں کا برتاؤ دیکھ کر اس کا اچھی طرح اندازہ ہوتا ہے، ایسی ہی حرکت ایک یوٹیوبر خاتون نے بھی کی۔
بھارتی ریاست اترپردیش سے تعلق رکھنے والی ایک یوٹیوبر خاتون نے ہوائی جہاز میں سفر کے دوران عجیب و غریب حرکت کی۔ مذکورہ خاتون جہاز میں بیٹھ کر ایک پیالے میں اپنی انگلیوں سے کس مائع چیز کو مکس کرتی پائی گئیں۔
اس موقع پر فلائٹ اٹینڈنٹ نے ان سے آکرپوچھا ’وہاٹ‘ یعنی کہ وہ یہ کیا کررہی ہیں تو خاتون نے مذاق اڑنے والے انداز میں انھیں ’ہاٹ‘ جواب دیا، دوسرے لفظوں میں انھیں جانے کا کہا۔
اس کے بعد خاتون جس کے یوٹیوب پر 2.2 ملین سبسکرائبر ہیں اس نے مبینہ طور پر پیالے میں موجود ستو کو اپنی انگلیوں سے نامناسب طریقے سے مکس کیا جبکہ وہ فلائٹ اٹینڈنٹ کا مذاق بھی اڑاتی رہی۔
یوٹیوبر خاتون نے نہ صرف اس توہین آمیز اقدام کی ویڈیو بنائی بلکہ وہ اس دوران مسلسل ہنستی ہوئی نظر آئی اور یہ بھی بتایا کہ فلائٹ اٹینڈنٹ غصہ ہوکر وہاں سے چلی گئی ہے۔
اس واقعے کی ویڈیو سوشل میڈیا پر وائرل ہونے کے بعد لوگ انفلوئنسر خاتون کے عمل کو شرمناک قرار دیتے ہوئے اسے تعلیم کی کمی قرار دے رہے ہیں۔
ایک صارف نے لکھا کہ ’یہ کس طرح کا رویہ تھا، نہایت مکروہ قسم کا۔‘ ایک شخص نے لکھا کہ مجھے تو سمجھ نہیں آرہا کہ یہ کیا بنا رہی ہے۔
ایک صارف نے لکھا کہ بعض دفعہ لوگ دوسروں کے لیے کتنا پریشانی کا باعث بنتے ہیں، ایک شخص نے لکھا کہ اس لیے کہتے ہیں کہ تعلیم کیوں ضرروی ہے۔
