پاکستانی نژاد کینیڈین یوٹیوبر اور کامیڈین زید علی کے گھر بیٹے کی پیدائش ہوئی ہے، زید علی نے انسٹاگرام پر بیٹے کی تصویر شیئر کردی۔
یوٹیوبر زید علی نے فوٹو اور ویڈیو شیئرنگ ایپ انسٹاگرام پر حال ہی میں بیٹے کی پیدائش کی اطلاع دی اور نومولود کی تصویر شیئر کردی، مداحوں کی جانب سے ان کے ننھے بیٹے کو دعائیں دی جارہی ہیں۔
View this post on Instagram
زید علی کی جانب سے شیئر کی گئی تصویر میں انہیں بچے کا ہاتھ تھامے دیکھا جاسکتا ہے تاہم تصویر میں بچے کا چہرہ مکمل طور پر واضح نہیں ہے۔
یوٹیوبر نے اللہ کا شکر ادا کرتے ہوئے مداحوں کو بتایا کہ 18 اگست 2021 کو ہمیں ’ازیان علی زید‘ سے نوازا گیا۔
انہوں نے اپنی پوسٹ میں بیٹے کی پیدائش کو شادی کی سالگرہ کا سب سے خوبصورت تحفہ قرار دیا۔
View this post on Instagram
واضح رہے کہ زید علی اور یمنی کی شادی 2017 میں ہوئی تھی جبکہ یمنیٰ بھی کئی ولاگز میں ان کے ہمراہ آچکی ہیں۔
یاد رہے کہ یوٹیوب پر ان کے چینل کے سبسکرائبرز کی تعداد 29 لاکھ سے زیادہ ہے۔
اسی طرح فیس بک، انسٹاگرام اور ٹوئٹر پر ان کے مداحوں کی تعداد لاکھوں میں ہے اور ان کی مزاحیہ ویڈیوز سوشل میڈیا پر کافی مقبول ہیں۔
