The news is by your side.

Advertisement

اب کمپنی یوٹیوبرز سے بھی ٹیکس لے گی

 کیلیفورنیا : امریکی آن لائن ویڈیو شیئرنگ پلیٹ فارم یو ٹیوب نے فیصلہ کیا ہے کہ وہ اب یوٹیوبرز سے ٹیکس وصول کرے گی تاہم اس میں وہ یو ٹیوبرز شامل نہیں جن کا تعلق امریکا سے ہے۔

انٹرنیٹ کے سب سے بڑے سرچ انجن گوگل کے ماتحت ادارے و ویڈیو شیئرنگ ویب سائٹ یوٹیوب نے غیر امریکی یوٹیوبرز پر ٹیکس عائد کرنے کا فیصلہ کرلیا۔

غیر ملکی خبر رساں ادارے کی رپورٹ کے مطابق یوٹیوب نے ای میل کے ذریعے یوٹیوبرز کو آگاہ کر دیا ہے کہ اس نئی ٹیکس پالیسی کا اطلاق جون 2021 سے ہوگا۔

یویٹوب انتطامیہ نے کریئٹرز سے مطالبہ کیا ہے کہ وہ اپنے ٹیکس کی تفصیلات ایڈسینس میں اپڈیٹ کریں تاکہ ٹیکس کی کٹوتی کے صحیح مقدار کا تعین کیا جاسکے۔

رپورٹ کے مطابق اس تبدیلی کا اطلاق امریکہ میں رہائش پذیر یوٹیوبرز کے علاوہ دنیا بھر کے یوٹیوبرز پر ہوگا۔

اس ضمن میں یوٹیوب کی جانب سے جاری بیان میں کہا گیا ہے کہ گوگل کی ذمہ داری ہے کہ وہ امریکی قانون کے تحت ٹیکس سے متعلق معلومات اکٹھا کرے۔

گوگل کی جانب سے متنبہ کیا گیا ہے کہ اگر کوئی کریئٹر 31 مئی تک معلومات فراہم نہیں کرے گا تو اس کی آمدنی کا 24 فیصد حصہ کاٹ لیا جائے گا۔

Comments

یہ بھی پڑھیں