The news is by your side.

Advertisement

لوڈشیڈنگ پر یووراج اور ہربھجن سنگھ میں دلچسپ نوک جھونک

ممبئی: بھارت کے شہر ممبئی کے علاقے باندرہ میں رہائش پذیر بھارتی کرکٹر یووراج سنگھ کے گھر لوڈشیڈنگ پر ہربھجن سنگھ نے دلچسپ جواب دے دیا۔

بھارتی کرکٹر گراؤنڈ میں ہی نہیں آف دی فیلڈ بھی ہنسی مذاق کرتے نظر آتے ہیں ایسا ہی کچھ یووراج سنگھ اور ہربھجن سنگھ کے درمیان دیکھنے میں آیا۔

بھارتی کرکٹر یووراج سنگھ کے گھر بجلی غائب ہوئی جب ایک گھنٹہ گزرا تو یووراج نے غصے میں آکر سوشل میڈیا ویب سائٹ ٹویٹر پر کہا کہ ایک گھنٹے سے بجلی غائب ہے، براہ مہربانی جلدی سے بجلی واپس دے دیں۔

بھارتی اسپنر ہربھجن سنگھ نے جوابی ٹویٹ کرتے ہوئے یووراج سنگھ کا غصہ ٹھنڈا کردیا، ہربھجن سنگھ نے کہا کہ ’بادشاہ بل ٹائم پر دیا کرو‘ ہربجھن کے اس ٹویٹ کو مداحوں کی جانب سے بھی سراہا گیا۔

ایک صارف ارجن شرما نے کہا کہ بھجو پاجی مزاحیہ مزاج کے ہیں یہ کیا کہہ گئے آپ، منیش شرما نے ہنسی کے ایموجیز بنائے اور لکھا کہ واہ پاجی۔

رشی راٹھور نے کہا کہ صحیح کھیل گئے بھجی، اعتزاز علی نے کہا کہ دونوں کے لیے محبت بھرا پیغام، بھجی نے اچھا استعمال کیا اپنے دماغ کا، کرکٹ لورز آپ دونوں کو پسند کرتے ہیں۔

واضح رہے کہ انڈین کرکٹ ٹیم کے کپتان ویرات کوہلی اور بالی ووڈ اداکارہ انوشکا شرما کی جانب سے دی جانے والی پارٹی میں بھارتی کرکٹرز نے کافی انجوائے کیا تھا، ہربھجن اور یووراج سنگھ دونوں کے ڈانس نے مداحوں کو ورطہ حیرت میں ڈال دیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

Comments

comments

یہ بھی پڑھیں