اہلیہ دھنشری ورما سے طلاق کی افواہوں کے درمیان بھارتی کرکٹر یوزویندر چہل مبینہ گرل فرینڈ آر جے مہوش کے ساتھ چیمپئنز ٹرافی کا فائنل میچ دیکھنے پہنچ گئے۔
انڈین میڈیا کی رپورٹس کے مطابق وائرل تصویر میں یوزویندر چہل کو آر جے مہوش کے ساتھ انڈین بمقابلہ نیوزی لینڈ کے میچ سے لطف اندوز ہوتے ہوئے دیکھا جا سکتا ہے۔ ایک ویڈیو میں یوزویندر چہل اور آر جے مہوش کے ساتھ بالی وڈ اداکار وویک اوبرائے بھی نطر آ رہے ہیں۔
بھارتی کرکٹر پچھلے کئی ہفتوں سے اہلیہ دھنشری ورما سے مبینہ طلاق کی وجہ سے خبروں میں ہیں، تاہم جوڑے اب تک اس کی تصدیق یا تردید نہیں کی۔
View this post on Instagram
یہ پہلا موقع نہیں ہے جب یوزویندر چہل اور آر جے مہوش کی ایک ساتھ تصویر وائرل ہوئی ہو، بلکہ جنوری میں دونوں کی کرسمس کا جشن منانے کی تصویر سوشل میڈیا پر وائرل ہوئی تھی۔
تصویر نے دونوں میں تعلقات کی قیاس آرائیوں کو ہوا دی تھی لیکن آر جے مہوش نے بعد میں ردعمل دیتے ہوئے انہیں بے بنیاد قرار دیا تھا۔
ڈیٹنگ کی خبریں ایسے وقت میں سامنے آئیں جب یوزویندر چہل اور دھنشری ورما میں طلاق کی افواہیں زیر گردش ہیں۔
جوڑے میں طلاق کی خبریں اُس وقت زور پکڑ گئیں جب دونوں نے ایک دوسرے کو انسٹاگرام پر ان فالو کیا، یوزویندر چہل نے اپنے اکاؤنٹ سے اہلیہ کی تمام تصاویر ڈیلیٹ کیں جبکہ دھنشری نے اکاؤنٹ پر چند تصاویر رکھیں ہیں۔
طلاق کی افواہوں کے درمیان دونوں کی طرف سے سوشل میڈیا پر معنیٰ خیز پوسٹیں شیئر کی جا رہی ہیں۔
