اسلام آباد: سابق وزیر اعظم میر ظفر اللہ جمالی نے اسپورٹس کو برباد کرنے والوں کے خلاف بھی جے آئی ٹی بنا کر تحقیقات کروانے کا مطالبہ کر دیا۔
تفصیلات کے مطابق ظفراللہ جمالی نے پاکستانی ہاکی ٹیم کی بھارت سے شکست پرردعمل دیتے ہوئے کہا کہ نوازشریف کی کرپشن کے لئے جے آئی ٹی بن سکتی ہے، تو کھیلوں کو برباد کرنےوالوں کے خلاف کیوں نہیں بن سکتی.
یاد رہے کہ میر ظفر اللہ جمالی ماضی میں پی ایچ ایف کے صدر کی حیثیت سے خدمت انجام دے چکے ہیں.
ان کا کہنا تھا کہ قومی کھیل کی تنزلی افسوس ناک ہے، چیف جسٹس پاکستان نوٹس لیں، چیف جسٹس شعبہ کھیل میں عہدوں کی بندر بانٹ کی تحقیقات کا حکم دیں.
انھوں نے کہا کہ 10 برس میں کھیلوں کے لئے فنڈز کے استعمال کا آڈٹ کرایا جائے، جے آئی ٹی بنا کر نوٹس لیا جائے.
ان کا مزید کہنا تھا کہ سیاسی بنیادوں پر نامزدگیوں کو فوری طور پر واپس لیا جائے، اسپورٹس کے دیانت داراور پرفیشنل ماہرین کا تقرر کیا جائے.
یاد رہے کہ اس وقت جاری آخری چیمپینز ٹرافی میں پاکستان کی اب تک کی کارکردگی مایوس کن ہے، پاکستان کو بھارت کے ہاتھوں 4-0 سے شکست ہوئی تھی، بعد میں آسٹریلیا کے ہاتھوں میں گرین شرٹس کو ناکامی کا سامنا کرنا پڑا.
چیمپئنز ٹرافی ہاکی ٹورنامنٹ: آسٹریلیا نے پاکستان کو 2-1 سے ہرادیا
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
