اوٹاوا: پاکستانی نژاد کینیڈین یوٹیوبر اور مزاحیہ اداکار زید علی نے مداحوں سے بچے کا نام رکھنے کے حوالے سے مشورہ مانگ لیا۔
زید علی نے سماجی رابطے کی ویب سائٹ اور فوٹو ویڈیو شیئرنگ پلیٹ فارم انسٹاگرام پر اپنی اور اہلیہ یمنیٰ کی تصویر شیئر کی جس میں دونوں بہت زیادہ خوش نظر آرہے ہیں۔
اس تصویر میں نظر آنے والی خوشی کی وجہ کوئی اور نہیں بلکہ اُن کے ہاں ننھے مہمان کی متوقع آمد سے جڑی ہوئی ہے۔
انہوں نے تصویر کے ساتھ لکھا کہ ’ہم بہت جلد والدین بننے والے ہیں، کیا آپ لوگ ہمیں ہمارے ہونے والے بچے کا نام تجویز کریں گے؟‘۔
یوٹیوب اسٹار کی اس پوسٹ کے بعد جہاں مداحوں نے انہیں مبارک باد پیش کی وہیں لڑکے اور لڑکی کے خوبصورت نام بھی تجویز کیے۔
View this post on Instagram
واضح رہے کہ گزشتہ دنوں زید علی نے اپنی انسٹاگرام پوسٹ کے ذریعے اس بات کی اطلاع دی تھی کہ وہ اور یمنیٰ جلد ہی والدین بننے جا رہے ہیں۔
View this post on Instagram
واضح رہے کہ زید علی اور یمنی کی شادی 2017 میں ہوئی تھی اور گزشتہ دنوں ہی انہوں نے شادی کی تیسری سالگرہ بھی منائی تھی۔
یاد رہے کہ یوٹیوب پر ان کے چینل کے سبسکرائبرز کی تعداد 30 لاکھ تک پہنچ گئی ہے۔ اسی طرح فیس بک، انسٹاگرام اور ٹوئٹر پر ان کے مداحوں کی تعداد لاکھوں میں ہے۔
