لاہور: زین قتل کیس میں لاہور ہائیکورٹ نے مصفطی کانجو کی بریت کے خلاف حکومت پنجاب کی اپیل سماعت کیلئے منظور کرلی۔ڈی این اے ٹیسٹ کی رپورٹ کے مطابق گارڈ کے کپڑوں پر لگے خون کے دھبوں اورزین کے خون میں مماثلت پائی گئی۔
لاہور ہائیکورٹ نےایک بار پھرمصطفی کانجوکونوٹس جاری کردیا، مصطفی کانجوکی بریت کےخلاف حکومت پنجاب کی اپیل باقاعدہ سماعت کیلئے منظور کرلی، دوران سماعت مقتول زین کےڈی این اے ٹیسٹ کی رپورٹ پیش کی گئی۔
رپورٹ کے مطابق زین کےخون کے نمونوں اورمصطفی کانجوکےگارڈکےکپڑوں پرلگےخون کےدھبوں میں مماثلت پائی گئی، بریت کےخلاف درخواست میں حکومت پنجاب نےموقف اختیار کیاکہ مصطفی کانجو کوبری کرنے میں ماتحت عدالت نے شواہد کومدنظر نہیں رکھا محض گواہوں کے منحرف ہونے پر مصطفی کانجو کو بری کردیا گیا۔
ہائیکورٹ ماتحت عدالت کی جانب سے مصطفی کانجو کی بریت کی فیصلے کو کالعدم قرا دے، رواں سال دواپریل کولاہورکےعلاقے کیولری گراؤنڈ میں مصفطی کانجو کی فائرنگ سےسولہ سالہ طالبعلم زین جاں بحق ہوگیاتھا۔
