آئی سی سی ورلڈ کپ پریزینٹرز پینل میں شامل زینب عباس نے بھارت چھوڑنے کے بعد خاموشی توڑ دی۔
سماجی رابطے کی ویب سائٹ ’ایکس‘ پر کمنٹیٹر زینب عباس نے لکھا کہ بھارت میں میرا تجربہ اچھا رہا، لوگوں کے ساتھ اچھا وقت گزرا، مجھے نہ بھارت سے نکالا گیا، نہ ہی ڈی پورٹ کیا گیا۔
زیب عباس نے کہا کہ بھارت میں مجھے کسی بھی قسم کی دھمکیاں نہیں دی گئیں۔
انہوں نے کہا کہ سوشل میڈیا پر آنے والے ردعمل سے ڈر گئی تھی میری پرانی ٹوئٹس سے کسی کو تکلیف پہنچی اس کا بہت افسوس ہے، ماضی میں جو کچھ بھی کہا اس کے لیے معافی مانگتی ہوں۔
— zainab abbas (@ZAbbasOfficial) October 12, 2023
واضح رہے کہ ورلڈ کپ پریزینٹرز پینل میں شامل زینب عباس کےخلاف بھارت میں بے بنیاد پراپیگنڈہ مہم چلائی گئی، بھارتی وکیل نےالزام لگایا تھا کہ زینب نے ہندو مذہب اور بھارت کےخلاف سوشل میڈیاپرپیغامات لکھے۔
بھارتی وکیل نے سوشل میڈیا تبصروں کو زینب عباس سےمنسوب کرکے ان کاتبصرہ قرار دیا، بھارتی وکیل نے زینب عباس کے خلاف پرچہ کاٹنے کی درخواست بھی دے دی،
وکیل نے زینب کے خلاف سائبر کرائم پولیس کو درخواست دی، جس میں کہا گیا کہ زینب کے مبینہ تبصرےبھارت مخالف ہیں، ایف آئی آر کاٹی جائے۔
بعدازاں زینب عباس نے بھارت چھوڑ دیا تھا اور وہ دبئی چلی گئی تھیں۔
