شوبز انڈسٹری کی ماڈل و اداکارہ زینب رضا کا کہنا ہے کہ غصے میں دل کرتا ہے کہ کسی کا سر پھاڑ دوں۔
اے آر وائی ڈیجیٹل کے پروگرام ’گڈ مارننگ پاکستان‘ میں ڈرامہ سیریل ’بھرم‘ کی کاسٹ نے شرکت کی جس میں عمر شہزاد، حنا طارق، رابعہ کلثوم، زینب رضا، احسن شامل تھے۔
سوال کے جواب کے سیشن میں ندا یاسر نے پوچھا کہ غصے کی حالت میں کیا کرنے کا دل چاہتا ہے جو آپ کرنہیں سکتیں؟
جواب میں زینب رضا نے مسکراتے ہوئے کہا کہ کسی کا سر پھاڑنے کا دل کرتا ہے، مجھے جب بہت غصہ آتا ہے تو آپ کچھ کرنہیں سکتے تو میں دماغ میں یہ سوچ لیتی ہوں کہ کسی کا سر پھاڑ ہی ہوں اور پھر ریلیکس ہوجاتی ہوں۔
احسن سے سوال کیا گیا کہ کبھی اپنے قریبی سے خود کو برائی سنی ہو اور برداشت کرگئے ہو؟
اداکار نے کہا کہ گھر پر روز ہی تنقید ہوتی ہے کہ میری زندگی میں ترتیب نہیں ہے، کمرا گندا رہتا ہے، گھر کے کام نہیں آتے یہ تنقید مجھ پر اکثر ہوتی ہے۔
رابعہ کلثوم نے سوال کے جواب میں کہا کہ اکثر ایسا ہوتا ہے کہ کوئی نیکی کرو تو گلے پڑ جاتی ہے، کسی کے کام آؤ تو وہ شکر گزار نہیں ہوتے بلکہ اور کی امید رکھتے ہیں۔
حنا طارق نے کہا کہ مجھے لوگوں کی باتوں کو سننے میں مزہ آتا ہے، سیٹ پر میں سلمیٰ آپا اور رابعہ کلثوم بیٹھ کر باتیں کرتے ہیں اور بہت مزہ آتا ہے۔
