اسلام آباد: شام کے لئے زائرین کو ایس اوپیز کے تحت سفرکی اجازت مل گئی تاہم تاہم سفر کے لئے شامی حکومت کی دی گئی ہدایات پرعمل کرنا ہوگا۔
تفصیلات کے مطابق وزارت مذہبی امور کی جانب سے زیارت کے لئے شام جانے والے زائرین سے متعلق اعلامیہ جاری کردیا ہے ، جس میں کہا ہے کہ زیارت کے لئے شام کا سفر ایس او پیز کے تحت کر سکتے ہیں۔
وزارت مذہبی امور نے کہا ہے کہ شام کی ٹرانسپورٹ اور ٹورازم کمپنی کی خدمات لی جاسکیں گی تاہم سفر کے لئے شامی حکومت کی دی گئی ہدایات پرعمل کرنا ہوگا۔
خیال رہے گذشتہ سال پی آئی اے نے اربعین کے موقع پر عراق کی خصوصی پروازیں چلانے کا اعلان کرتے ہوئے اور نجف اور بغداد کے لئے خصوصی پروازیں کا شیڈول جاری کیا تھا تایم بعد ازاں کورونا کی لہر کے باعث اسے منسوخ کردیا گیا تھا۔
اس سے قبل وزیرمذہبی امور کی جانب سے ایران،عراق اور شام میں مقدس مقامات کی زیارت سے متعلق پالیسی تیار کی گئی تھی
مجوزہ پالیسی کے مطابق زائرین اور ٹورآپریٹرز کو وزارت مذہبی امور میں رجسٹرڈ کیا جائے گا، کوئٹہ، تفتان میں زائرین کی رہائش کیلئے انتظامات کئے جائیں گے۔
