جمعہ, مارچ 7, 2025
اشتہار

وزیر خارجہ سے امریکی نمائندہ خصوصی کی ملاقات

اشتہار

حیرت انگیز

اسلام آباد: وزیر خارجہ شاہ محمود قریشی سے امریکی نمائندہ خصوصی زلمے خلیل زاد کی ملاقات ہوئی، دونوں رہنماؤں نے مستقبل میں تعاون پر اتفاق کیا۔

تفصیلات کے مطابق وزرات خارجہ نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ وزیر خارجہ شاہ محمود قریشی سے امریکی نمائندہ خصوصی کی ملاقات ہوئی۔

امریکی نمائندہ خصوصی زلمے خلیل زاد نے شاہ محمود قریشی کو دورہ کابل سے متعلق آگاہ کیا۔ دونوں رہنماؤں نے مستقبل میں تعاون پر بھی اتفاق کیا۔

اس موقع پر وزیر خارجہ شاہ محمود قریشی کا کہنا تھا کہ پاکستان افغانستان میں قیام امن کے لیے کاوشوں کا خیر مقدم کرتا ہے، افغانستان تنازعہ کے سیاسی حل کے لیے پاکستان کردار ادا کرتا رہا ہے۔

شاہ محمود قریشی کا کہنا تھا کہ افغانستان مسئلے کے حل کے لیے پاکستان بھرپور کردار ادا کرتا رہے گا۔

اس سے قبل زلمے خلیل زاد کی وزارت خارجہ آمد پر سیکریٹری خارجہ تسنیم اسلم نے ان کا استقبال کیا، بعد ازاں دونوں کے درمیان وفود کی سطح پر مذاکرات بھی ہوئے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں