لاہور پولیس کی جانب سے پی ٹی آئی چیئرمین عمران خان کی رہائش گاہ زمان پارک میں بڑے آپریشن کی تیاریاں کی جارہی ہیں، اس سلسلے میں شہر کے تمام تھانوں کی نفری کو الرٹ کردیا گیا ہے۔
اے آر وائی نیوز کے نمائندے خواجہ رمضان مجید کے مطابق لاہور مال روڈ پل فلائی اوور پر تمام تھانوں سے نفری منگوالی گئی ہے، ڈولفن فورس اور پولیس رسپانس یونٹ (پی آر یو) بھی تیار ہے۔
ذرائع کا کہنا ہے کہ زمان پارک پر گرینڈ تاریخی آپریشن کرکے تحریک انصاف کے سربراہ عمران خان کو گرفتار کئے جانے کا قوی امکان ہے۔
لاہور: زمان پارک میں پولیس کے گرینڈ آپریشن کی تیاری
Watch LIVE streaming of ARY News
YouTube: https://t.co/F1E4n0MnQx
Website: https://t.co/UOVo32NATd#ARYNews #PakistanKiAwazARY #RestoreARYNews #AwamKiAwazARY #HarLamhaBakhabar pic.twitter.com/Q5SYppOS4e— ARY NEWS (@ARYNEWSOFFICIAL) March 8, 2023
پی ٹی آئی کی جانب سے سوشل میڈیا پر پی ٹی آئی کارکنوں کو جلد سے جلد زمان پارک پہنچنے کی ہدایت کر دی گئی ہے۔ اطلاعات کے مطابق زمان پارک اور ملحقہ علاقوں کی بجلی بھی بند کر دی گئی ہے ، پولیس کی بھی وقت آپریشن شروع کر سکتی ہے ۔
پی ٹی آئی ذرائع کا کہنا ہے کہ دھرم پورہ سے زمان پارک جانے والے تحریک انصاف کے کارکن پر راستے میں تعینات پولیس اہلکاروں نے تشدد کیا جس سے علی سفیان نامی کارکن زخمی ہوگیا۔
تحریک انصاف کے کارکنوں کی کثیر تعداد زمان پارک کے باہر موجود ہے جہاں وہ عمران خان کے حق میں خوب نعرے بازی کررہے ہیں۔ کارکنوں نے ہاتھوں میں ڈنڈے اور پارٹی پرچم تھام رکھے ہیں۔ سابق ارکان اسمبلی بھی زمان پارک کے باہر موجود ہیں۔