The news is by your side.

’گروکل کی ہوائیں بدل رہی ہیں‘ زارا نور کی تصاویر وائرل

پاکستانی ڈرامہ انڈسٹری کی معروف اداکارہ زارا نور عباس کی نئی تصاویر سوشل میڈیا پر وائرل ہوگئیں۔

اداکارہ زارا نور عباس نے فوٹو اور ویڈیو شیئرنگ ایپ انسٹاگرام پر بالی ووڈ اداکار شاہ رخ خان کی سن 2000 میں ریلیز ہونے والی فلم ’محبتیں‘ کا ڈائیلاگ شیئر کیا اور ساتھ ہی فلم کے افسانوی اسکول گروکل کی لوکیشن پرجاکر تصاویر بھی بنوائیں۔

زارا نور عباس نے تصاویر شیئر کرتے ہوئے لکھا کہ ’گروکل کی ہوائیں بدل رہی ہیں مزیدار بات یہ ہے کہ اس دن شاہ رخ خان کے بالی وڈ انڈسٹری میں 30 سال منائے جا رہے تھے اور میں اس جگہ گئی جہاں فلم محبتیں کے بیرونی مناظر شوٹ کیے گئے تھے ٹی وی پر نظر آںے والی ان جگہوں کو حقیقت میں دیکھ کر شاندار لگ رہا ہے۔‘

واضح رہے کہ ’محبتیں‘ میں دکھایا جانے والا اسکول گروکل اصل میں انگلینڈ کی کاؤنٹی ولٹ شائر میں واقع لونگ لیٹ نامی ایک پرانا محل ہے۔

زارا نور عباس نے اپنی دوسری پوسٹ میں بھی فلم کا ڈائیلاگ لکھا کہ ’مر بھی جائیں پیار والے، مٹ بھی جائیں پیار والے، زندہ رہتی ہیں ان کی محبتیں۔‘

اس مشہور فلم کی کہانی اسکول میں پڑھنے والے طالب علموں کے گرد گھومتی ہے جن کی محبت کو اسکول کے سخت مزاج پرنسپل (امیتابھ بچن) کی جانب سے مزاحمت کا سامنا کرنا پڑتا ہے اور انہیں میوزک ٹیچر (شاہ رخ خان) کی مدد حاصل ہوتی ہے جو پرنسپل کی آنجہانی بیٹی سے محبت کرتے ہیں۔

خیال رہے کہ 25 جون کو شاہ رخ خان کے مداحوں نے دنیا بھر میں ان کے بالی وڈ میں 30 سال پورے ہونے کا جشن منایا تھا۔

Comments

یہ بھی پڑھیں