اسلام آباد : بانی پی ٹی آئی کی جانب سے نامزد کردہ قومی اسمبلی میں پارلیمانی لیڈر کا نام سامنے آگیا۔
تفصیلات کے مطابق زرتاج گل کو سنی اتحاد کونسل کی قومی اسمبلی میں پارلیمانی لیڈر نامزد کردیاگیا۔
بانی پی ٹی آئی نے رہنما پی ٹی آئی کی بطور پارلیمانی تقرری کی منظوری دے دی، پی ٹی آئی نے قومی اسمبلی میں پارلیمانی لیڈر کیلئے چار نام تجویز کئے تھے۔
جن میں زرتاج گل، صاحبزادہ محبوب سلطان، زین قریشی اور احمد چھٹہ کا نام تجویز کیا گیا تھا۔
بانی پی ٹی آئی نے ان کی نامزدگی کی منظوری دی، پیر کوسنی اتحاد کونسل کے سربراہ اسپیکر قومی اسمبلی کو رہنما پی ٹی آئی کی باقاعدہ نامزدگی بارے آگاہ کریں گے۔
بعد ازاں عمرایوب کی جانب سے قومی اسمبلی میں پارلیمانی اور ڈپٹی پارلیمانی لیڈرز کا اعلان کیا گیا۔
سنی اتحاد کونسل کی جانب سے زرتاج گل پارلیمانی لیڈر جبکہ زین قریشی اور احمد چٹھہ قومی اسمبلی میں ڈپٹی پارلیمانی لیڈر ہوں گے۔
