گوجرانوالہ: پاکستان تحریک انصاف کی رہنما زرتاج گل کا کہنا ہے کہ بڑی خواہش ہےکہ بانی پی ٹی آئی مجھےبلائیں اور مجھ سے ملیں۔
تفصیلات کے مطابق انسداددہشت گردی عدالت کے باہر زرتاج گل نے میڈیا سے گفتگو کرتے ہوئے کہا کہ یاد رکھیں آج ہم کٹہرےمیں کھڑےہیں کل کوئی اورکھڑاہوگا۔
رہنما پی ٹی آئی کا کہنا تھا کہ خواہشات کا یہ سرکل چلتا رہا تو انتقام کی آگ کبھی نہیں بجھےگی، باربارکہتی ہوں ہماری انابہت چھوٹی ہے پاکستان بڑا ہے۔
انھوں نے کہا کہ بانی پی ٹی آئی کوفکس کرنے کے چکرمیں ملک بہت پیچھے چلا گیا، بڑی خواہش ہےکہ بانی پی ٹی آئی مجھےبلائیں اور مجھ سے ملیں۔
ان کا مزید کہنا تھا کہ سمجھتی ہوں آپ کو سیاسی لوگوں کے ساتھ بیٹھنا چاہیے ، جب سیاسی لوگ آپس میں بات نہیں کرتے توکوئی اور کرتاہے۔
