ہالی ووڈ کی رومانٹک جوڑی ٹام ہالینڈ اور زینڈیا نے خاموشی سے منگنی کرلی ہے۔
میڈیا رپورٹس کے مطابق مارول اسٹوڈیوز کی مشہور زمانہ فلم سیریز ’’دی اسپائیڈر مین‘‘ کی رومانٹک جوڑی زینڈیا اور ٹام ہالینڈ کے تعلقات کی افواہیں ایک عرصے سے گردش میں ہیں۔
تاہم رپورٹ کے مطابق اب خاندانی ذرائع نے اس بات کی تصدیق کی ہے کہ دونوں منگنی کرچکے ہیں، دونوں نے کرسمس اور نئے سال کے درمیانی دنوں میں منگنی کی ہے۔
رپورٹ کے مطابق ٹام نے منگنی کا کوئی بڑا ایونٹ اورگنائز نہیں کیا اس کے بجائے انہوں نے ایک رومانوی طریقے سے اپنی گرل فرینڈ کو انگوٹھی پہنائی۔
View this post on Instagram
تاہم اب اسپائیڈر مین کی ہیروئن زینڈیا نے گولڈن گلوبز کی تقریب میں خاص طور پر اپنی بیش قیمت ہیرے کی انگوٹھی کی نمائش کرتے ہوئے فوٹو گرافرز کو پوز دیئے۔
ایونٹ میں فوٹو گرافر کے سامنے انگوٹھی کی اس طرح رونمائی کے بعد اداکارہ زینڈیا نے بھی اپنی منگنی کی خبروں کی تصدیق کردی ہے لیکن دونوں ستارے نے اب تک سوشل میڈیا پر اس حوالے سے کچھ نہیں بتایا ہے۔
واضح رہے کہ ہالی ووڈ کی رومانٹک جوڑی ٹام ہالینڈ اور زینڈیا کی پہلی ملاقات 2016 میں ’اسپائیڈر مین ہوم کمنگ‘ فلم کی شوٹنگ کے دوران ہوئی تھی۔
جولائی 2021 میں ان کی چند تصاویر وائرل ہوئیں جس سے ٹام اور زینڈایا کے تعلق کی تصدیق ہوگئی تھی جس کے بعد سے وہ اننت امبانی کی شادی میں بھی ساتھ نظر آئے تھے۔
