زیارت میں بس کے اندر فائرنگ کی گئی جس کے نتیجے میں ڈرائیور سمیت 2 افراد جاں بحق ہوگئے، بس ملتان جارہی تھی۔
اے آر وائی نیوز کے مطابق زیارت کے علاقے شرن میں ملتان جانے والی بس کے اندر فائرنگ کی گئی جس کے نتیجے میں 2افراد جاں بحق ہوگئے۔
ملزم واردات کرنے کے بعد باآسانی فرار ہونے میں کامیاب ہوگیا۔
واقعہ کی اطلاع ملتے ہیں پولیس، ضلع انتظامیہ کے افسران، امدادی ادارے جائے وقوعہ پر پہنچ گئے اور علاقے کی ناکا بندی کردی گئی۔
پولیس اور امدادی رضاکاروں نے لاشیں قریبی اسپتال منتقل کردیں۔
ضلع انتظامیہ کے مطابق فائرنگ سے 2 افراد جاں بحق ہوئے ہیں جن میں بس کا ڈرائیور بھی شامل ہے۔
ضلعی انتظامیہ کے مطابق ملزم فائرنگ کے بعد فرار ہونے میں کامیاب ہوگیا ہے تاہم علاقے کی ناکا بندی کردی گئی ہے اور ملزمان کی تلاش جاری ہے۔
دوسری جانب پولیس نے واقعے کے بعد تفتیش شروع کردی ہے اور مختلف پہلوؤں کا جائزہ لیا جارہا ہے۔
