The news is by your side.

Advertisement

لکھنؤ میں زیکا وائرس کے کیسز سامنے آگئے

نئی دہلی: بھارتی ریاست اتر پردیش کے شہروں کانپور اور قنوج کے بعد ریاستی دارالحکومت لکھنؤ میں زیکا وائرس کے 2 کیسز کی تصدیق کے بعد محکمہ صحت حرکت میں آگیا۔

لکھنؤ کے چیف میڈیکل آفیسر ڈاکٹر منوج اگروال کا کہنا ہے کہ حسین گنج اور ایل ڈی اے کالونیوں میں رہنے والے ایک مرد اور ایک خاتون میں زیکا وائرس کے انفیکشن کی تصدیق ہوئی ہے۔

دونوں مریضوں کی ٹیسٹ رپورٹس میں انفیکشن کی تصدیق ہونے پر محکمہ صحت نے اس انفیکشن کو روکنے کے لیے اقدامات تیز کردیے ہیں۔

ڈاکٹر اگروال کا کہنا ہے کہ 2 مریضوں میں زیکا وائرس کے انفیکشن کی تصدیق کے بعد جمعہ سے لکھنؤ میں زیادہ تعداد میں نمونے لینے اور ان کی جانچ کرنے کی ہدایت دی گئی ہے۔

بعد ازاں دونوں علاقوں میں محکمہ صحت کی ٹیمیں پہنچیں اور انسداد لاروا سرگرمیاں شروع کر دیں، اس کے علاوہ ارد گرد کے لوگوں کو زیکا وائرس کے انفیکشن سے بچنے کے بارے میں بھی آگاہ کیا گیا۔

Comments

یہ بھی پڑھیں