ہرارے : زمبابوے میں صورتحال بدستورکشیدہ ہے اورسرکاری ٹی وی سمیت اہم عمارتوں کا کنٹرول فوج کے قبضے میں ہے جبکہ صدررابرٹ موگابے خاندان سمیت گھرمیں نظربند ہیں۔
تفصیلات کے مطابق فوج کے اہم عمارتوں کا کنڑول سنبھالنے کے بعد زمبابوے میں صورتحال بدستورکشیدہ ہے، سینتیس سال تک اقتدارمیں رہنے والے صدررابرٹ موگابے گھرمیں نظربند ہیں۔
فوجی ترجمان کا کہنا ہے حکومت کا تختہ نہیں الٹا، صدرموگابے کے قریب موجود جرائم پیشہ لوگوں کے خلاف کارروائی کی جارہی ہے۔ایسے عناصرکوہٹانے کے بعد صورتحال معمول پر آجائیگی۔
زمبابوے کی صورتحال پربین الاقوامی برادری میں تشویش پائی جاتی ہے، برطانوی وزیراعظم ٹریزامے اوراقوام متحدہ کے سیکریٹری جنرل نے فریقین سے تحمل سے کام لینے کی اپیل کی ہے۔
دوسری جانب فوج کے حمایت یافتہ بر طرف نائب صدر جلاوطنی ختم کرکے واپس زمبابوے آگئے ہیں۔
مزید پڑھیں : زمبابوے میں فوج کا اقتدار پر قبضہ
گذشتہ روز افریقی ملک زمبابوے میں فوج کے حکومت کا تختہ الٹنے کی اطلاعات تھیں ، جس کے بعد صدررابرٹ موگابے کے تیس سال کے اقتدار کا خاتمہ ہوا اور دارلحکومت ہرارے میں ٹینک اوربکتربندگاڑیاں آگئیں تھیں۔
فوج کے ترجمان نے سرکاری ٹی وی پراقتدارسنبھالنے کا اعلان کرتے ہوئے کہا صدررابرٹ موگابے اوران کا خاندان مکمل طورپرمحفوظ ہیں، دیگرسیکورٹی ادارے ملک کوبہتربنانے کے لئے فوج سے تعاون کریں۔
خیال رہے کہ زمبابوے میں صدر موگابے کی جانب سے نائب وزیر اعظم کی برطرفی کے بعد کشیدگی عروج پر تھی۔
کشیدہ صورتحال کے باعث امریکی سفارتخانے نے عملے کوگھروں میں رہنے کی ہدایت کی ہے۔
