انتم نقوی زمبابوے کے پہلے کرکٹر بن گئے ہیں جنھوں نے ٹرپل سنچری اسکور کی ہے، انھوں نے یہ کارنامہ فرسٹ کلاس میچ میں انجام دیا۔
مڈ ویسٹ راہنوز کی جانب سے کھیلتے ہوئے 24 سالہ پلیئر نے ماتابی لیلینڈ ٹسکرز کے خلاف ناقابل شکست 300 رن اسکور کیے اور زمبابوے کی تاریخ میں ٹرپل سنچری جڑنے والے پہلے کرکٹر بن گئے۔
انتم نے اپنی ٹیم کی کپتانی کے فرائض انجام دیتے ہوئے بھرپور ذمہ داری کا مظاہرہ کیا۔ ان کی اننگز میں 30 چوکے اور 10 چھکے شامل تھے جبکہ انھوں نے 295 گیندوں کا سامنا کیا۔
The feeling when you become the first to score a triple-hundred for a Zimbabwean team 💯💯💯
Antum Naqvi created history in Harare 👏 https://t.co/RZso7S9eVa
(📸: @ZimCricketv) pic.twitter.com/NhcPOYVras
— ESPNcricinfo (@ESPNcricinfo) January 13, 2024
ان کی ٹیم مڈ ویسٹ راہنوز نے اپنے کپتان کی اننگز سے تقویت پاتے ہوئے ماتابی لیلینڈ ٹسکرز کو اننگز اور 40 رن سے شکست دی۔
واضح رہے کہ اس سے قبل رے گریپر نے 1967-68میں 279 ناٹ آؤٹ رنز کے ساتھ ریکارڈ بنایا تھا جو کسی بھی زمبابوین پلیئر کا سب سے زیادہ اسکور تھا جسے انتم نے توڑ دیا ہے۔
