عباسی خلیفہ ہارون الرشید کی شریک حیات زبیدہ بنتِ جعفر کو اسلامی دنیا میں ملکہ کی حیثیت سے جو امتیاز اور عزت و احترام حاصل ہوا، اس کی وجہ ان کی سخاوت اور فیاضی اور بہت سے فلاحی کام ہیں جن میں نہرِ زبیدہ کی تعمیر بھی شامل ہے۔
یہ نہر مکّہ اور قرب و جوار میں حاجیوں اور زائرین کو لگ بھگ 1200 سال تک پانی کی فراہمی یقینی بناتی رہی۔ ملکہ نے اس منصوبے پر بے دریغ اپنی دولت خرچ کی۔ منصوبہ کی کی تکمیل کے بعد جب ملکہ کو اخراجات کی تفصیل پیش کی گئی تو انھوں نے اسے دریا میں پھینک دیا اور کہا کہ یہ کام اللہ کی رضا کے لیے کیا تھا، اس کا حساب بھی قیامت کے روز ہی ہوگا۔ پوڈ کاسٹ سنیے…
