اسلام آباد : معاون خصوصی زلفی بخاری پیپلز پارٹی کی رہنماشیری رحمان کی جانب سے بیرون ملک سے آنے والے مسافروں کے ذریعے کورونا کیسز پھیلنے کے الزام کے اصل حقائق سامنے لے آئے اور کہا پی پی اپنے بلنڈرز سے توجہ ہٹانےکیلئے قوم سے جھوٹ بول رہی ہے۔
تفصیلات کے مطابق بیرون ملک سےآنےوالےمسافروں کےذریعےکوروناکیسز پھیلنے کے الزام پر معاون خصوصی زلفی بخاری اور پیپلز پارٹی کی رہنما شیری رحمان ٹوئٹر پر آمنے سامنے آگئے۔
شیری رحمان نےاوورسیز پاکستانیوں کی کوروناسےمتعلق غلط معلومات ٹوئٹ کردیں اور سوال اٹھایا کہ اوورسیز پاکستانیوں کا ایئرپورٹ آمد پر کورونا ٹیسٹ ہورہاہے یا نہیں؟
معاون خصوصی برائےاوورسیز پاکستانی زلفی بخاری اصل حقائق سامنے لے آئے اور گزشتہ رات بیرون ملک سے آنے والے مسافروں کی ٹیسٹنگ تصاویر ٹوئٹ کردیں، تصاویروں میں مسافروں کے ایئرپورٹ پر کوروناٹیسٹ ہوتے دیکھے جاسکتے ہیں۔
MISINFORMATION part2: pics from a flight that arrived last night
Only service PPP has provided to nation consistently is lying to divert attention from their blunders.Time to stop that & concentrate on ppl of Sindh instead.
And stop labelling #OverseasPakistanis for covid spread! https://t.co/qi0bvayWBd pic.twitter.com/tFyTnEXIDJ— Sayed Z Bukhari (@sayedzbukhari) June 8, 2020
زلفی بخاری نے اپنے پیغام میں کہا پی پی اپنے بلنڈرز سے توجہ ہٹانےکیلئے قوم سےجھوٹ بول رہی ہے، پیپلزپارٹی جھوٹ بولنا بند کرکے سندھ کے عوام پر توجہ دے اور اوورسیز پاکستانیوں کو کورونا کے پھیلاؤ کا ذمہ دارقرار دینا بند کیا جائے۔
خیال رہے شیری رحمان نے اوورسیزپاکستانیوں کے ٹیسٹ نہ ہونے سے متعلق ٹوئٹ کیا تھا، جس میں انھوں نے 21فیصد کیسز کی وجہ پاکستانیوں کی وطن واپسی قراردی تھی جبکہ بیرون ملک سے آنے والے مسافروں کے کورونا کیسز محض 6فیصد ہیں۔
