اسلام آباد : معاون خصوصی زلفی بخاری نے قطر میں پھنسے پاکستانیوں کو فوری ریلیف فراہم کرنے کا مطالبہ کرتے ہوئے قطری کمپنیوں سے پاکستانی ملازمین کی برطرفی کا سلسلہ روکنے کی درخواست کردی۔
تفصیلات کے مطابق بیرون ملک پھنسے پاکستانیوں کی مشکلات میں کمی کا مشن کے تحت حکومت کےمختلف ممالک کے ساتھ اہم رابطے جاری ہے، معاون خصوصی زلفی بخاری نے قطر کے وزیر برائے افرادی قوت سے رابطہ کیا۔
جس میں زلفی بخاری نے قطر میں پھنسے پاکستانیوں کو فوری ریلیف فراہم کرنے کا مطالبہ کرتے ہوئے قطری کمپنیوں سے پاکستانی ملازمین کی برطرفی کاسلسلہ روکنے کی درخواست کی۔
زلفی بخاری نے برطرف پاکستانیوں کو واجبات کی ادائیگی یقینی بنانے کا مطالبہ کرتے ہوئے کہا کمپنیوں کو بقایاجات ،سفری اخراجات کی ادائیگی کاپابند بنایاجائے۔
دونوں وزراکا ملازمین کے تحفظ کیلئےفوری اقدامات پر اتفاق ہوا ، قطری وزیر نے یقین دہانی کرائی کہ قطر پاکستانی ملازمین کو تحفظ دینے کیلئے اقدامات کرے گا۔
جس پر معاون خصوصی زلفی بخاری نے مشکل وقت میں تعاون فراہم کرنے پر اظہار تشکر کیا۔
