اسلام آباد: مسلم لیگ ن رہنماء صدیق الفاروق نے کہا ہے کہ عمران خان کے آزادی مارچ کے دوران لاشیں گرانے کی سازش تیار کی جاچکی ہے ۔
اسلام آباد میں نیوز کانفرنس کرتے ہوئے صدیق الفاروق نے علامہ طاہر القادری اور چوہدری برادران پر الزام عائد کیا ہے کہ وہ چودہ اگست کو آزادی مارچ کے شرکاؤں کی لاشیں گرانے کی منصوبہ کرچکے ہیں،ان کا کہنا تھا کہ چوہدری برادران اور طاہر القادری اپنے آدمیوں کے ذریعے عمران کے جلسے میں آنے والے شرکاء پر فائرنگ کرائیں گے، تاکہ نوازشریف اور شہباز شریف پر الزام لگاکر ملک بھر میں آگ لگائی جاسکے،ان کا مزید کہنا تھا کہ آزادی اور انقلاب مارچ پاکستان کو مفلوج کرنے کی سازش ہے اور اس ضمن میں ملک دشمن قوتوں نے پاکستان کو غیرمستحکم کرنے کیلئے پرائیوٹ اداروں کو چودہ ارب ڈالر دئیے ہیں۔
