اسلام آباد: تیس جون کو ختم ہونے والے رواں مالی سال پر حکومتی کارکردگی پر اقتصادی سروے رپورٹ آج وفاقی وزیرِخزانہ اسحاق ڈار پیش کریں گے۔
وفاقی وزیرِ نے رواں مالی سال کے دوران اقتصادی شرح نمو کا ہدف پانچ اعشاریہ ایک فیصد طے کیا تھا جبکہ صوبائی شرح نمو کا ہدف چار اعشاریہ دو رکھا جو حاصل نہ کیا جاسکا۔
تاہم اس بار شرح گزشتہ سال کے چار اعشاریہ زیرو تین فیصد سے بہتر ہے۔
- Advertisement -
اسحاق ڈار کی اقتصادی سروے رپورٹ میں معاشی کارکردگی میں بہتری اور حاصل نہ ہونے والے اہداف کا ذکر سامنے آنے کا امکان ہے۔
خیال ہے کہ وزیرِ خزانہ کی جانب سے حکومتی کامیابیوں کا ذکر کیا جائے گا۔
واضح رہے کہ اقتصادی اہداف نہ حاصل کرنے میں سیلاب، پی ٹی آئی کے دھرنے، عسکریت پسندوں کے خلاف جاری آپریشن، اجناس کی قیمتوں میں کمی اورعالمی سست روی کو رکاوٹ تصور کیا جا رہا ہے۔
