واشنگٹن: امریکہ میں بجلی کے بریک ڈاؤن سے کئی اہم سرکاری و نجی عمارتوں کی بتی گل ہونے سے شہریوں میں تشویش کی لہر دوڑ گئی۔
امریکی دارلحکومت واشنگٹن ڈی سی میں بجلی کا بڑا بریک ڈاؤن ہوا، امریکی اسٹیٹ ڈیپارٹمنٹ سمیت کئی اہم سرکاری ونجی عمارتوں کی بتی گل ہوگئی۔
- Advertisement -
بجلی کے اچانک تعطل سے حساس اداروں میں کھلبلی مچ گئی۔
میری لینڈ سیکیورٹی کے ترجمان نے کہا کہ بجلی کی معطلی سے دہشتگردی کا کوئی تعلق نہیں ہے، واشنگٹن ڈی سی میں بجلی کے تعطل سے دو ہزار سے زائد صارفین نہ صرف متاثر ہوئے بلکہ شہریوں میں خوف وہراس بھی پھیل گیا۔
حکام کا کہنا ہے کہ بجلی کے بریک ڈاؤن کی وجوہات فی الفور معلوم نہیں ہوسکی ہیں، واقعے کی چھان بین کیلئے تفتیش شروع کردی گئی ہے۔
