پرتھ: آسٹریلیا نے انگلینڈ کو ایک سو بارہ رنز سے شکست دیکر تین ملکی کرکٹ سیریز جیت لی۔
تین ملکی سیریز کے فائنل میں انگلینڈ نے ٹاس جیت کر فیلڈنگ کرنے کا فیصلہ کیا۔ آسٹریلین ٹیم شروعات میں مشکلات کا شکار رہی۔
ساٹھ رنز پر چار کھلاڑیوں کے آؤٹ ہوجانے کےبعد میکسویل اور مچل مارش نے ٹیم کو سہارا دیا، میکسویل پچانوے رنز بناکرآؤٹ ہوئے۔
- Advertisement -
جیمز فالکنر کی دھواں دھار نصف سنچری کی بدولت آسٹریلیا نے آٹھ وکٹ پر دو سو اناسی رنز بنائے۔
ہدف کے تعاقب میں انگلش ٹیم شروعات سے مشکلات میں پھنسی رہی، جونسن اور میکسویل کی عمدہ بیٹنگ نے انگلش ٹیم کو صرف ایک سو چھیاسٹھ رنز پر ڈھیر کردیا۔
ایک سو بارہ رنز سے کامیابی حاصل کرتے ہوئے آسٹریلیا نے تین ملکی سیریز کا ٹائٹل اپنے نام کیا۔
