کراچی: اورنگی ٹاؤن میں پولیس موبائل کے قریب دستی بم حملے میں چھ پولیس اہلکار سمیت چودہ افراد زخمی ہوگئے۔
کراچی کے علاقے اورنگی ٹاؤن کے علاقے فرنٹیئر کالونی میں دوران ڈیوٹی پولیس موبائل کے قریب زوردار دھماکہ ہوا جس کے نتیجے میں چوکی انچارج وحید اعوان ،سمیت چھ اہلکار اور آٹھ راہ گیر زخمی ہوگئے ۔ جنہیں ریسکیو ایمبولنسز کے ذریعے قطر اسپتال اور عباسی شہید اسپتال منتقل کردیا گیا۔
ایس پی اورنگی ساجد سدوزئی کے مطابق دھماکہ قریبی کھڑی موٹرسائیکل میں نصب بم پھٹنے سے ہوا، بم ڈسپوزل اسکواڈ نے تفتیش کیلئے شواہد اکھٹے کرلیے۔ بی ڈی ایس حکام کاکہنا ہے کہ دھماکہ خیز مواد موٹرسائیکل میں نصب کرکے ریموٹ کے ذریعے اڑایا گیا، بم میں بال بیرنگ کی مقدار ذیادہ رکھی گئی تھی جس کی وجہ سے متعدد زخمی ہوئے ۔
- Advertisement -
