ابو ظہبی: آئی سی سی نے ٹیسٹ کرکٹ کی نئی رینکنگ جار ی کردی، ابو ظہبی ٹیسٹ کے پلیئر آف دی میچ مصباح آٹھویں اور مین آف دی سیریز یونس خان چھٹے نمبر پر پہنچ گئے۔
انٹرنیشنل کرکٹ کونسل کی جاری کردہ ٹیسٹ کرکٹ کی نئی رینکنگ میں آسٹریلیا کے ہوش اڑانے والی پاکستان ٹیم لمبی چھلانگ مار کر تیسری پوزیشن پر پہنچ گئی، بیٹسمین رینکنگ میں پاکستان بلے بازوکی کی ترقی ہوگئی، سنچریوں کی ہٹرک کرنے والے یونس خان آٹھویں سے چھٹے نمبر پر پہنچ گئے۔
مصباح الحق کی دو سنچریوں نے انھیں ٹاپ ٹین میں واپسی دلوائی۔ مصباح الحق آٹھویں نمبر پر براجمان ہیں، اظہر علی اکیسویں، اسد شفیق بائیسویں اور سرفراز احمد کی بتیسویں پوزیشن ہیں، بولرز رینکنگ میں معطل اسپنر سعید اجمل ٹاپ ٹین میں موجود پاکستانی بولر ہیں، بارہ شکار کرنے والے یاسر شاہ چھتیسویں اور ذولفقار بابر چالیسویں نمبر پر موجود ہے۔
