آج پاکستان سمیت دنیا بھر میں پولیو سے بچاؤ کا عالمی دن منایا جارہا ہے۔
عالمی کوششوں سے دنیا بھرمیں پولیو کا نناوے فیصد خاتمہ کیا جا چکا ہے تاہم صرف تین ملکوں پاکستان، نائجیریا اورافغانستان سے پولیوکی بیماری کو ختم نہیں کیا جا سکا۔
اقوام متحدہ کے بچوں کے عالمی فنڈ یونیسف کے جنوبی ایشیا کے کوآرڈینیٹرروڈ کرٹس کا کہنا ہے کہ دنیا سے پولیو کے خاتمے میں پاکستان کونمایاں کردارادا کرنا ہوگا۔
رواں سال دنیا بھرمیں پولیو کے دوسوسینتالیس کیس سامنے آئے، جن میں سے دوسو بیس یعنی پچاسی فیصد سے بھی زیادہ کا تعلق پاکستان سے تھا، نائجیریا میں پولیو کے چھ کیس ریکارڈ کئے گئے، نائجیریا پولیو کے خاتمے کے قریب پہنچ چکا ہے۔
افغانستان بھی پولیو سے نجات کے لئے جدوجہد کررہا ہے۔
پاکستان اور افغانستان کے سرحدی علاقے پولیو کا گڑھ ہیں ،جہاں بچوں تک پولیو ویکسین پہنچانے میں ورکرز کو مشکلات کا سامنا ہے۔
