واشنگٹن:آرمی چیف جنرل راحیل شریف نے واشنگٹن میں امریکی نائب وزیر دفاع رابرٹ ورک اور ہم منصب جنرل مارٹن ڈیمپسی سمیت اعلی فوجی حکام سےملاقات کی۔
آرمی چیف جنرل راحیل شریف نے امریکا کے نائب وزیر دفاع رابرٹ ورک اورہم منصب مارٹن ڈیمپسی اوراعلیٰ فوجی حکام سے ملاقات کرتے ہوئے طویل مدتی تعلقات پربات چیت کی۔
عسکری زرائع کے مطابق آرمی چیف کے دورہ امریکا کا مقصد دونوں افواج میں اعتماد بحال کرناہے،ملاقات میں آرمی چیف نے حقانی نیٹ ورک پر اپنا موقف پیش کیا،آرمی چیف نے کہا کہ پاک آرمی کا حقانی نیٹ ورک کی خلاف کارروائی نہ کرنے کا تاثر بے بنیاد ہے۔
دوسری جانب امریکی افواج نے دہشت گردی کے خلاف پاکستانی فوج کی کوششوں کو سراہا،امریکی حکام نے آرمی چیف کو باور کرایا کہ افغانستان میں پائیدارامن کے قیام کیلئے امریکی فوج پاکستانی فوج کا تعاون چاہتی ہے۔
- Advertisement -
پاک آرمی کا وفد جنرل راحیل شریف کی قیادت میں کل کیپیٹل ہل کا دورہ کرے گا جبکہ آرمی چیف امریکی کانگریس کے اراکین سے بھی ملاقاتیں کریں گے۔
