راولپنڈی: آرمی چیف کی زیرِ صدارت سال کی پہلی کور کمانڈرزکانفرنس شروع ہوگئی ہے جس میں اہم امورپرتبادلہ خیال کیا جائے گا اوراہم فیصلے بھی متوقع ہیں۔
آئی ایس پی آر ذرائع کے مطابق آرمی چیف جنرل راحیل شریف جی ایچ کیو میں سال 2015 کی پہلی کور کمانڈرز کانفرنس کی صدارت کررہے ہیں۔
اجلاس میں ملک کی مجموعی امن و امان کی صورتحال اور آرمی کے پیشہ ورانہ امور پرتبادلۂ خیال کیا جائے گا۔
- Advertisement -
ذرائع کے مطابق آج کے اجلاس میں نیشنل سیکیورٹی پلان کے فوج سے متعلقہ امور کو حتمی شکل دی جائے گی اور ان پر عمل درآمد کرنے کا طریقۂ کار بھی موضوعِ گفتگو رہے گا۔
اجلاس میں آپریشن ضربِ عضب میں حاصل کی جانے والی اب تک کی کامیابیوں کا بھی جائزہ لیا جائے گا۔
